Rêxistina HDPyî ya Dêrsimî çarçewa ‘Deklarasyonê Vengdayîşê Aştîye û Edaletî’ şaristan de partîyanê sîyasîyan û rêxistinanê komelê sivîlî reyde ame têhet

Rêxistina Partîya Demokratîke ya Şaran (HDP) ya Dêrsimî û Parlementerê HDPyî yê Dêrsimî Alîcan Onlu çarçewa ‘Deklarasyonê Vengdayîşê Aştîye û Edaletî’ de şaristan de partîyanê sîyasîyan û rêxistinanê komelê sivîlî reyde ame têhet.

Onluyî derheqê deklarasyonî de tay agahîyî dayî û da zanayene ke deklarasyon wextêkê dergî de ame amadekerdene. Onluyî kombîyayîş de ard ziwan de qesre pê rejîmê qeyûmî welatî îdare keno û polîtîkayanê teda, ters û şîdetî ano ca. Onluyî îfade kerd ke hêzê demokrasî û muxalefetî hînî ameyî yewca û vat: ”Derheqê deklarasyonî de ray famkerdişê şaşîyî estê. Tay kesî vanê qey deklarasyonê ma xebata weçînayîşî ya, di blokî estê û ma blokê xo eşkera kenê. No famkerdiş hêzê ma manîpule keno. Coka sey HDPyî ma îtîfaqê demokrasî awan kenê.”

Kombîyayîşî dima pê qiseykerdişanê beşdaran ê bînan dewam kerd. DÊRSIM