Rojnameya Heftane

Hewceyî Doktor Nake

Hevalno gelek name ji me re tên û tev derbariyê derûniya xeran a mirovane. Ji ber ku şert û mercên jiyanê gelekî dijwar û zehmet bûne psîkolojiya mirovan tevlihev bûye. Xwedê ji kûçiklojiya zordestan re nehêle ku em xistine vê rewşa xirab.
Lê qet meraq nekin doktorê me yê hêja ê pisîkolog (nexweşiyên derûnî) mizgîniyek xweş daye me . Dibêje normale ku mirov bi dîwaran an bi daran re an jî bi siya xwe re biaxife. Lê di heman demê de hişyariyekê dide û dibêje kengî we dît dîwar bersiva we da wê gavê nexweşiya we giran bûye divê hûn werin ba min.
Li gorî agahiyên doktorê me piraniya nexweşên ku di dema dawî de serdana wî dikin mexdûrên buhabûna elektrîkê ne , xwedê ji rêxistina DEDAŞ ê re nehêle dîsa elektrîk buha kir.