Rojnameya Heftane

Hindik û Rindik

Fewaz Evdê

Ji bo firyalê biteqe

Rojînê bi hevalên xwe re dilîst. Diya wê bi dengekî bilind got: Keçê Rojo, were here ji me re sê kîlo goşt bîne, ji bo em têxin nav tirşikê keça min!! Rojîn bi lez hat û got: Ka pere bide ez herim bînim. Dê got: Hişşş keça min, dengê xwe hilnede, ez ê ji we re makerûnê çêkim. Min ji qestîka wilo got, da deng here cîrana me Firyalê ji bo biqehire û bila ji qehra  biteqe.

 

Xwedê bide te

Li ba hevalekî xwe -li dikana wî- rûniştî bûm. Parsekek derbas bû. Hevalê min got: Xwedê bide te yabo, xwedê bide te. Yê parsek serê xwe hilda, lê nerî û got: Kuro ku Xwedê bida min, çima ez ê bihatama min ê devê xwe li ber te xwar bikira?!?!

 

Keriyê pez

-Keriyê pez, te çawa dît?

-Keriyê çi?

-Keriyê pez.

-Pezê kê?

-Pezê me.

-Hhhh. Tu henekê xwe dikî?

-Çima gava niha tu hatî, te keriyê pez li ber derî nedît?

-Heram be ku bizineke te jî heye.

-Wekî tu zanî ku bizineke min jî tune, nexwe tu çima bi kevçî mast dixwî!? Te sênîka mast tev bi kevçiyan xwar tu nabêjî dê xelkê malê çi bixwe?