Şerê li Zap, Metîna û Avaşînê zêdeyî meheke ye didome. Li gorî nûçeya ANF’ê ya Çapemeniya HPG’ê, herî dawî HPG’iyan ji bo bîranîna şehîdên meha Gulanê rêzeçalakî kirin. Di van çalakiyan de 24 leşker hatin kuştin. 3 çeper, çekeke A4, çekeke BKC, 2 konên leşkerî, dronek û pergaleke kameraya mobeseyê hatin îmhakirin. Navenda Ragihandin û Çapemeniyê ya HPG’ê wiha got: “Tîmên me yên gerîlayan ên gerok li hemberî artêşa tirk a dagirker çalakiyên xurt dikin. Di van çalakiyan de taktîktên gerîlatiyê bi serkeftineke mezin tên pêkanîn. Ev çalakî ji bo bîranîna Şehîdên Meha Gulanê yên Têkoşîna Azadiya Kurdistanê hatine kirin. Di çalakiyên hêzên me de 24 dagirker hatin cezakirin, 3 dagirker birîndar bûn, 3 çeper, çekeke A4, çekeke BKC, 2 konên leşkerî, dronek û pergaleke kameraya mobeseyê hatin îmhakirin. Di heman demê de derb li 2 çeperan û 2 pergalên kameraya mobeseyê hate xistin. Hêzên me 13 metre Kortex û 10 kîlo TNT jî bi dest xistine.
Li Zapê jî 15 leşker hatin kuştin
Li gorî çapemeniya HPG’ê li herêma Zapê jî di 16’ê gulanê de di çalakiyên gerîlayan de 15 leşkerên tirk hatin kuştin.
