Li Pakistanê nêzî 2 milyon koçberên Afganistanê hene. Di demên dawîn de hikûmeta Pakistanê gefa dersînorkirinê li koçberên Afganistanê dixwe û heta 1’ê mijdarê dem daye wan. Her wiha dibêje afganên ku Pakistanê terk nekin wê wan binçav bikin û ber bi Afganistanê bene dersînorkirin.

Balkêş e hikumeta Talîbanê ku piraniya afgan ji ber zilm û zordariya wê Afganistanê terk kirine, vê zext û gefa Pakistanê weke ‘tacîz’ pênase kir û şermezar kir. Li gorî nûçeyeke ku Ajansa Nûçeyan a Firatê (ANF) daye, bi hezaran koçberên afgan ji neçarî bi wesayit û qemyonan berê xwe dane deriyê sînor ê Torhamê. Roj bi roj ev hejmar zêde dibe û tenê îro bi qasî 10 hezar koçber li deriyê kom bûne.

Ji destpêka meha cotmehê ve zêdeyî 100 hezar koçberên afgan vegeriyane Afganistanê.