Platforma ji bo Jinan Wekhevî (EŞÎK) wê ji bo vekişîna ji peymana Stenbolê di 19’ê hezîranê de mîtîngke li Stenbolê li dar bixe.
EŞÎK’ê diyar kir ew ê bi 88 saziyên LGBTÎ+ û jinan re di 19’ê hezîranê de li dijî betalkirina peymana Stenbolê mîtîngeke mezin pêk bînin. Pêşiya mîtîngê daxuyaniyeke hevpar hat parvekirin.
Daxuyaniya wiha ye;
Kesên ku dixwazin peymana Stenbolê ji holê rakin di heman demê de dixwazin têkoşîna me ya li hember tacîz, tecawiz, destdirêjî, polîtîkayên şer, tundî û zimanê nefretê tune jî bikin. Em li hember şirikiya hikûmet-mafyayê û kiryarên zihniyeta mêrane bêdeng namînin.
Em ê li hember tundiya mêr-dewletê û kesên ku dixwazin tundiyê tolere bikin mafê xwe yê jiyanê biparêzin. Em dest ji tu mafê xwe bernadin. Di 19 hezîranê de ji hemû bajaran em ê herin Stenbolê. Em bang li hemû jin û LGBTÎ+ yan dikin ku tev li mîtîngî bibin.
Tevgera Jinên Azad (TJA) jî di nav de 93 sazî û rêxistin dê tev li vê mitîngê bibin.
