Aktîvîstên Tevgera Jinên Azad (TJA) li taxa Kadifekale ya Konaka Îzmirê bi meşa meşaleyî Newroz pîroz kirin. Parlamentera HDP’ê ya Îzmirê Serpil Kemalbay û dayika Denîz Poyraz Fehime Poyraz jî tev li pîrozbahiyê bû. Jin bi meşaleyan heta cihê Rahşan Demirel ku di Newroza sala 1992’an de lê xwe şewitandibû meşiyan. Jinan di meşê de pankarta “Dem dema serkeftinê ye, Dem dema azadiya jinan” vekirin û meşiyan. Jinan piştî meşê li ber muzîkê govend gerandin û bê navber dirûşmeya “Deniz Poyraz nemir e”, “Newroz piroz be” û “Şehid namirin” berz kirin.
Li vir axaftin hatin kirin û pîrozbahî bi dirûşmeyan û govendê bi dawî bû.
