Kurdistaniyan şevê din, Newroz li bajarên Zurîch, Cenevre û Bernê yên Swîsreyê hate pîrozkirin.
Zurîch
Kurdistanî tevî dostên xwe êvarê li Hevetîaplatzê li hev kom bûn û destpêkê ji bo bîranîna şehîdên azadiyê yên Kurdistanê deqeyek rêz girtin. Piştre bi navê Tevgera Ciwanên Şoreşger (TCŞ) axaftin hate kirin. Di axaftinê de hate ragihandin ku pîrozbahiyên îsal ji bo Rêberê Gelê Kurd Abdullah Ocalan têne lidarxistin û hate destnîşankirin ku divê Abdullah Ocalan êdî azad bibe. Ji bo vê jî hate destnîşankirin ku wê pêngava azadiyê bi ser bixînin.
Girseya gel piştre bi dirûşman heta strasyona trenê ya navendî meşiya û meşale vêxistin. Piştre jî li Helvetîaplatzê vegeriya û bi gerandina govendê Newroz pîroz kir.
Cenevre
Newroz li bajarê Cenevreyê jî hate pîrozkirin. Kurdistanî tevî dostên xwe li qada Plaînpalaîsê li hev kom bûn û Newroz pîroz kirin.
Bern
Li kampa Gûrnîgelbad a li Kantona Bernê ya Swîsreyê Kurdan Newroz bi coş pîroz kirin. Penaberan agirekî mezin li hewşa kampê vêxistin û li ber stranên Kurdî govend gerandin.
Pîrozbahiyên Newrozê yên li Swîsreyê wê heta 23’ê Adarê bi çalakiyan dewam bikin.
Bernameya Newrozê ya Swîsreyê
Biel
Kongrehaus, saet 16.30
Solothurn
Kreuzackerplatz, saet 19.00
Luzern
Mühlenplatz, saet 17.00
Aarau
Saet: 17.00
Cih: Bahnhofplatz
Basel
Dreirosenbruckee, saet 17.30
St Gallen
Bahnhofplatz, saet 17.00
Winterthur
Neumarktplatz, saet 16.00
Rapperswil
Stranbad Altendorf, saet 017.00
Bern
Komel, saet 18.00
22’ê Adarê
Chur
Saet: 16. 30
Cih: Engadinstrasse 27 7000. Chur
Lozan
Montbenon saet.18.00
23’ê Adarê
Lugano
Via campo marzo, saet 18.00
