Di çarçoveya pêngava “Ji Abdullah Ocalan re azadî ji pirsgirêka Kurd re çareseriya siyasî” dostên Kurdan li çar aliyê cîhanê, çalakiyên “Rojên Xwendina Pirtûkên Rêber Ocalan” li dar xistin. Di çalakiyan de beşên ji pirtûkên Rêberê PKK’ê Abdullah Ocalan hatin xwendin, fikrên wî hatin nîqaşkirin û daxwaza azadiya wî ya fîzîkî hate kirin. Bi boneya 10’ê Kanûnê “Roja Xwendina Pirtûkên Rêber Ocalan” ku li seranserê cîhanê hatiye ragihandin, li gelek navendan di serî de li Elmanya, Fransa, Îtalyayê, Swêd, Swîsre, Hollanda, Yewnanistan, Latîn Emerîqa çalakî hatin lidarxistin û parçeyên ji parêznameyên Rêber Ocalan hatin xwendin û peyama “Fikrên azad nayên hepis kirin” dan.
Îtalya
Li gelek navendên Îtalyayê li ser mijarê parêznameyên Rêberê Gelê Kurd Abdullah Ocalan, çalakî hatin lidarxistin. Di çalakiyan de beşên ji parêznameyan hatin xwendin û nîqaş hatin kirin. Li Roma, Bologna, Palermo, Parma, Torîno, Chierî yên Îtalyayê pirtûk hatin xwendin.
Elmanya
Li bajarên Elmanya Berlîn, Frankfurt, Darmstadt, Saarbrucken, Wuppertal, Maînz û Hildesheîmê jî têye di êi dehan navendan de bi heman armancê çalakî pêkhatin. Li hemu bajaran beşên ji pirtûkên Rêber Ocalan bi Elmanî û Kurdî hatin xwendin û sohbet hatin kirin. Xwendina pirtukên Rêber Ocalan eleqeyekî mezin komkir.
Fransa
Li Fransa jî li bajarên Parîs û Reîmsê bi beşdariya komên akademîsyen, xwendekar û welatparêzan bi xwendina parçeyên ji parêznameyên Rêber Ocalan hatin xwendin. Zanyarê siyasetê Nîls Andersson, endama Jineolojiyê Sarah Marcha û enternasyonalîst beşdarî çalakiya li Parîsê bûbûn. Di çalakiyan de parêznameyên Rêber Ocalan bi Fransî hatin xwendin û nîqaş hatin meşandin.
Swêd
Li bajarê Stockholm ê Swêdê bi sernavê “Bi Ocalan re Diyalog” çalakiya xwendinê hat lidarxistin. Di çalakiyê de li ser projeya netewa demokratik û pirsgirêka civakan nîqaş hatin meşandin.
Li welatên Belçîka, Holanda û gelek navendên din jî bi heman rengî çalakî pêk hatin. Li welatê Latîn Emerîqa Meksiko çalakiyên xwendina pirtukên Rêber Ocalan li bajarên Meksiko City û Krell pêkhatç çalakî pêk hatin.
