Friday, October 22, 2021

Lihêfa mafên jinê

Hunera jinan gelek caran balê dibe ser civakîbûna jinê jî. Ew hem bûyer û rewşan dibîne hem jî li ser wan dihizire. Ev lihêfa neqişandî jî berhemeke wisa ye ku ji sala 1875´an maye. Navê berhema Emma Civey Stahlê, Lihêfa mafên jinê (Woman’s Rights Quilt) ye.

Hunermend di berhema xwe ya tekstîlê de bi du çîrokên cihê dadikeve. Ji çarçikên neqişandî sê ji wan behsa leşkerên di Şerê Navxweyî yê Amerîkayê de şerkirine dike. Gava ku ev lihêf hatiye çêkirin, birîna vî şerî hê nekewiyaye.

Sê çarçikên din ên neqişandî jî li ser çalakgeriya civakî ya ji bo mafên jinan in. Di yekê ji wan çarçikan de jina reformxwaz nîşaneke “mafên jinê” bi ser milê xwe ve berdaye û beramberî zarok û hevjînê xwe disekine. Di çarçikeke din de, jina reformxwaz bi erebeyeke hespan ber bi menzîlê ve diçe. Ew menzîla wê jî di çarçika li cemê ye: Civîneke ku ew bi kelecan ji xelkê re dipeyive. Li ber destê me hunermendeke lihêfçêker heye ku nihêrîna xêzeromanî ya jinekê li yekê ji babetên siyasî yên herî cidî yên dawiya sedsala 19´an li ser lihêfekê xêz kiriye. Lihêf sala 1875´an li bajarê Illinoisê hatiye çêkirin û îro li Met Museuma li New Yorkê tê nîşandan.

Çavkanî: Yenî Ozgur Polîtîka

Lihêfa mafên jinê

Hunera jinan gelek caran balê dibe ser civakîbûna jinê jî. Ew hem bûyer û rewşan dibîne hem jî li ser wan dihizire. Ev lihêfa neqişandî jî berhemeke wisa ye ku ji sala 1875´an maye. Navê berhema Emma Civey Stahlê, Lihêfa mafên jinê (Woman’s Rights Quilt) ye.

Hunermend di berhema xwe ya tekstîlê de bi du çîrokên cihê dadikeve. Ji çarçikên neqişandî sê ji wan behsa leşkerên di Şerê Navxweyî yê Amerîkayê de şerkirine dike. Gava ku ev lihêf hatiye çêkirin, birîna vî şerî hê nekewiyaye.

Sê çarçikên din ên neqişandî jî li ser çalakgeriya civakî ya ji bo mafên jinan in. Di yekê ji wan çarçikan de jina reformxwaz nîşaneke “mafên jinê” bi ser milê xwe ve berdaye û beramberî zarok û hevjînê xwe disekine. Di çarçikeke din de, jina reformxwaz bi erebeyeke hespan ber bi menzîlê ve diçe. Ew menzîla wê jî di çarçika li cemê ye: Civîneke ku ew bi kelecan ji xelkê re dipeyive. Li ber destê me hunermendeke lihêfçêker heye ku nihêrîna xêzeromanî ya jinekê li yekê ji babetên siyasî yên herî cidî yên dawiya sedsala 19´an li ser lihêfekê xêz kiriye. Lihêf sala 1875´an li bajarê Illinoisê hatiye çêkirin û îro li Met Museuma li New Yorkê tê nîşandan.

Çavkanî: Yenî Ozgur Polîtîka