Rêxistina Partîya Demokratîke ya Şaran (HDP) ya Dêrsimî Mazgêrd de kerdişê seydwanîye ser o cigêrayîş kerd û pare kerd ke ê do vera seydwanîye û hêrişanê serê xoza xo ver bidê.

Qezaya Mazgêrdî ya Dêrsimî de Gelîya Înî de ke mabê dewanê Surek, Kuterîç û Dirvanî de ca gêna seydwanî pezkovîyî kiştî. Şarî bi hawayêkê tûjî vera seydwanîye nêrazîbîyayîşê xo mojna.

Dîya zanayene ke seydwananê ke Osmanîye, Xarpêt û Semsûrî ra ameyî bê destûrê dewijan herême de seydwanîye kerda. Ame parekerdene ke dewijî şîyî û înan seydwanî hişyar kerdî la seydwanan dewijan rê gef wendo.

Rêxistina HDPyî ya Dêrsimî û Parlementerê HDPyî yê Dêrsimî Alîcan Onluyî gelîye de cigêrayîşî kerdî, dewijan ra agahîyî girewtî. Onluyî dima bi kilmî eşkerayîyêke daye. Onluyî îfade kerd ke ê kerdişanê seydwanîye lanet kenê û do vera seydwanîye û hêrişanê serê xoza xo ver bidê. DÊRSIM