Sekreterê Giştî yê NATO’yê Jens Stoltenberg roja Yekşemê di hevpeyvînekê de ligel rojnameyeke almanî piştrast kir ku welatên rojava dê çekên giran ên nû bişîne ji Ukraynayê re.

Stoltenberg beriya civîna vê hefteyê li Baregeha Esmanî ya Ramstein a Koma Têkiliya Parastina Ukraynayê, ji rojnameya Handelsblatt re got: “Peymanên vê dawiyê yên ji bo radestkirina çekên giran girîng in û ez hêvî dikim ku di demek nêzîk de Koordînasyona çekên ji Ukraynayê re zêdetir kar bike.”

Stoltenberg di berdewama axaftina xwe de wiha got: “Em di qonaxeke krîtîk a şer de ne. Ji ber vê yekê girîng e ku em çekên ku ji bo serketinê hewce dike bidin Ukraynayê.”

Ji aliyekî din ve Serokdewletê Rûsyayê Vladimîr Pûtîn jî der barê pêşketinên di şerê li dijî Ukraynayê de wiha got: “Operasyona leşkerî ya li Ukraynayê li gorî planên me dimeşe û operasyona leşkerî ya li Ukraynayê “dînamîkeke erênî” dişopîne.”