Di 15 salên dawî de li bajarên bakurê Kurdistanê polîs û leşkeran maşîneyên zirxî li zêdeyî 50 kesan qelibandin. Polîs û leşkeran di bûyeran de 20 jê zarok herî kêm 50 kes kuştin. Dîsa gelek zarok û ciwan bi guleyên polîsan hatin kuştin. Herî dawî li Rihayê Muharrem Aksem ê 16 salî û li Stenbolê jî Erhan Eser ê 23 salî kuştin.

Polîsan bi maşîneyên zirxî jî herî dawî li navçeya Hezexê ya Şirnexê Mîraç Mîroglu yê 7 salî kuşt. Di van bûyeran de îfadeya polîsên kujer nehatin girtin û gelek jê serbest digerin. Gelek polîs jî piştî serbest hatin darizandin beraet kirin. Polîsan di Newroza 2017’an de li Amedê Kemal Kûrkût kuştibûn. Dadgeha Adliye ya Herêmê ya Amedê, diyar kir ku di doza cînayetê ya Kemal Kûrkût de polîsê kujer bi tu awayî nikare were sûcdarkirin û îdia kir ku cinayet “di çarçoveya qanûnan de” hatiye kirin. Herî dawî Dadgeha Amedê polîsê kujer Îdrîs Aksoy ê ku bi maşîna zirxî Efe Tektekîn kuşt beraet kir. Dema em li bûyerên 15 salên dawî dinerin, nêzikatiya dadgehê ya li hemberî polîs û leşkerên kujer derdikeve holê.

Di 15 salên dawî de kesên ku ji aliyê polîsan ve hatin kuştin wiha ne:

*Di 25’ê adara 2022’yan de li navçeya Eyyubiyê ya Rihayê polîsan zarokê 16 salî Muharrem Aksan kuşt.

* Di 3’ê îlona 2021’an de li navçeya Hezexê ya Şirnexê, polîs bi maşîneya zirxî li zarokê 7 salî Mîraç Mîroglû qeliband û kuşt.

*Di 8’ê tebaxa 2021’an de li navçeya Xelatê ya Bedlisê Eyup Kirtayê 10 salî kuşt.

*Di 23’ê Îlona 2019’an de li navçeya Mazgîrt a Dêrsimê Oktay Er ê 22 salî kuşt.

*Di 11’ê Îlona 2019’an de li navçeya Rizan a Amedê Efe Tektekîn ê 5 salî kuşt.

*Di 29’ê hezîrana 2018’an de li navçeya Qilebanê ya Şirnexê Alî Olmez ê 15 salî kuşt

*Di 13’ê hezîrana 2018’an de li Dêrsimê Alî Sezer ê 92 salî kuştin,

*Di 6’ê hezîrana 2018’an de li navçeya Rezan a Amedê Mehmet Tentekîn ê 75 salî kuşt

* Di 16’ê gulana 2019’an de li navçeya Cizîrê ya Şirnexê Fevziye Şengul a 46 salî birîndar kir.

*Di 29’ê kanûna 2017’an de li Amedê Ferhat Dalkiliç ê 5 salî kuşt.

*Di 17’ê kanûna 2017’an de li navçeya Hezexa Şirnexê Umut Ozalp ê 4 salî kuşt

*Di 6’ê mijdara 2017’an de li Êlihê Bûrak Îlhan ê 5 salî kuşt

*Di 21’ê Cotmeha 2017’an de li Sêrtê Felek Batur a 7 salî kuşt

*Di 19’ê cotmeha 2017’an de li navçeya Hîzanê ya Bedlisê Gulten Yaraşli ya 55 salî kuşt

*Di 1’ê tebaxa 2017’an de li Okmeydani ya Stenbolê zarokê ji Kobanê Raşid Oso yê 7 salî kuşt

*Di 20’ê hezîrana 2017’an de li navçey Lîcê ya Amedê Zeynep Demîrbaş a 76 salî kuşt

*Di 20’ê hezîrana 2017’an de li navçeya Lîcê ya Amedê Fîkrî Demîrbaş ê 53 salî kuşt

*Di 20’ê hezîrana 2017’an de li navçeya Licê ya Amedê Abdulhamît Dagdaş ê 63 salî kuşt

*Di 20’ê hezîrana 2017’an de li navçeya Licê ya Amedê Mevlut Dagtaş ê 64 salî kuşt

*Di 20’ê Hezîrana2017’an de li li navçeya Liceyê ya Amedê Mahmut Oner ê 74 salî kuşt

*Di 19’ê hezîrana 2017’an de li ser rêya Çewlîg Amedê Remzi Menteşe û zarokê 8-10 salî jiyana xwe ji dest dan.

*Di 19’ê hezirana 2017’an de li navçeya Licê ya Amedê Îlhan Ayaş ê 37 salî kuşt

*Di 19 Hezîrana 2017’an de li navçeya Lice ya Amedê Zîlan Yamankiliç a 10 salî kuşt

*Di 14’ê Hezîrana 2017’an de li navçeya Liceyê ya Amedê Pakîze Hazar a 85 salî kuşt

*Di 4’ê gulana 2017’an de li navçeya Sîlopiya ya Şirnexê Furkan Yildirim ê 6 salî kuşt

*Di 4’ê Gulana 2017’an de li navçeya Sîlopiya ya Şirnexê Muhammed Yildirim ê 7 salî kuşt

*Di 28’ê nîsana 2017’an de li Wanê Samî Uçan kuşt

*Di 20’ê adara 2017’an de li navçeya Hezexa Şirnexê kesekî navê wî nehat diyar kirin kuşt

*Di 20’ê adara 2017’an de li navçeya Hezexa Şirnexê Bahadir Beyazoglu kuşt

*Di 20’ê adara 2017’an de li navçeya Hezexa Şirnexê Okan Înce yê 30 salî kuşt

*Di 4’ê adara 2017’an de li navçeya Hezo ya Êlihê Kerem Arslan ê 33 salî kuşt

*Di 9’e sibata 2017’an de li navçeya Dêrikê ya Mêrdînê Berfîn Dîlek a 7 salî kuşt

*Di 24’ê cotmeha 2016’an de li Navçeya Cizîrê ya Şirnexê Hakan Sarak ê 5 salî kuşt

*Di 8’ê cotmeha 2016’an de li navçeya Gevere Şemsettin Çakmakçi, Rahmî Safhali, Necdet Îşozu, Serhat Buldan û Aydin Tumen di êrîşa maşîneya zirxî de jiyana xwe ji dest dan.

*Di 6’ê îlona 2016’an de li Dêrsimê Naciye Ozdemîr a 73 salî kuşt

*Di 30’ê tebaxa 2016’an de li Wanê Mustafa Duman ê 17 salî kuşt

*Di 24’ê tîrmeha 2016’an de li li Navçeya Armûşê ya Wanê, Taha Kiliç ê 4 salî kuşt

*Di 7’ê hezîrana 2016’an de li navçeya Cizîrê ya Şirnexê Bunyemîn Bayram kuşt

*Di 27’ê nîsana 2016’an de li Amedê Hatûn Elhuman kuşt

*Di 15’ê nîsana2016’an de li ser rêya Riha û Dîlokê Cuma Ozkaplan ê 17 salî kuşt

*12’ê Cotmeha 2015’an: Polîs Abdullah E. li navçeya Sûrê ya Amedê zaroka 12 salî Hêlîn Hesret Şen qetil kir.

*Di 8’ê nîsana 2014’an de li Wanê A.O yê 12 salî kuşt

*Di 14’ê gulana 2013’an de li navçeya Rezan a Amedê A.O yê 4 salî kuşt

*Di 23’ê nîsana 2013’an de li navçeya Cizîrê ya Şirnexê Sînan Saltikalp ê 17 salî kuşt

*Di 10’ê sibata 2013’an de li Amedê Şahîn Oner ê 18 salî kuşt

*Di 23’ê tebaxa 2012’an de li navçeya Geverê ya Colemêrgê Mûhsîn Îşleyen ê 8 salî kuşt

*Di 13’ê hezîrana 2012’an de li Qereyaziya Erziromê Yusuf Yilan ê 9 salî kuşt

*Di 15’ê sibata 2012’an de li Amedê Ayşe Al a 70 salî kuşt

*Di 3’ê hezîrana 2010’an de li Şirnexê Dîren Basan ê 10 salî kuşt

*Di 29’ê nîsana 2009’an de li Colemêrgê Maziye Aslan a 11 salî kuşt

*Di 31’ê tebaxa 2008’an de li ser kolana Amed û Êlihê Adnan Enuk ê 11 salî kuşt

Kesên ku ji aliyê polîsan ve hatin birîndarkirin jî wiha ne:

*Di 24’ê çileya 2022’yan de polîs li taxa Yafesê ya navçeya Cizîrê ya Şirnexê, bi maşîneya zirxî li ciwanê 23 salî Abdûlgaffar Dayan qeliband û bi giranî birîndar kir.

*Di 20’ê Cotmeha 2021’an de polîsan li navçeya Wêranşarê ya Rihayê bi maşîna zirxî li zaroka 5 salî N.D. qeliband û bi giranî birîndar kir.

* Di 1’ê nîsana 2021’an de li navçeya Geverê ya Colemêrgê Nihat Şerzan Akdoğan ê 12 salî bi giranî birîndar kir.

* Di 23’ê Çileya 2021’an de li navçeya Gêlê ya Amedê Sabrî Gunay ê 70 salî bi giranî birîndar kir.

* Di 9’ê Cotmeha 2019’an de li navçeya Sîlopî ya Şirnexê Hamza Ogdem ê 7 salî birîndar kir.

* Di 12’ê Adara 2019’an de li navçeya Sîlopiya ya Şirnexê Ruken Elma ya 9 salî birîndar kir.

* Di 28’ê hezîrana 2018’an de li navçeya Geverê Halit Artik ê 56 salî birîndar kir.

* Di 28’ê gulana 2018’an de li Dersimê Hasan Huseyin Çimen ê 60 salî bi giranî birîndar kir.

* Di 24’ê gulana 2018’an de li Mûşê Veysel Toplu birîndar bû.

* Di 22’ê nîsana 2018’an de li navçeya Kerboranê ya Mêrdînê Suphiye Yakut a 50 salî bi giranî birîndar kir.

* Di 7’ê nîsana 2018’an de li navçeyea Sîlopî ya Şirnexê Nesrin Kiliç û Suavî bi giranî birîndar bûn.

* Di 16’ê Adara 2018’an de li navçeya Şemzînanê ya Colemêrgê Îsmaîl Firat ê 72 salî birîndar kir.

* Di 25’ê Çileya 2018’an de li navçeya Cizîrê ya Şirnexê S.A. yê 10 salî birîndar kir.

* Di 23’ê Çileya 2018’an de li navçeya Cizîrê ya Şirnexê Mehmet Sait Alpkan û 2 kurên xwe bi giranî birîndar bûn.

* Di 19’ê kanûna 2017’an de li navçeya Yenîşehîr a Amedê maşîna polîsan li maşîneyek sivîl qeliband û ajokar birîndar kir.

* Di 22’ê mijdara 2017’an de li navçeya Cizîrê ya Şirnexê Ruken Cansiri ya 8 salî bi giranî birîndar kirin.

* Di 19’ê mijdara 2017’an de li navçeya Kerboranê ya Mêrdînê Fatma Nure Dursun a 65 salî bi giranî birîndar kirin.

* Di 20’ê hezîrana 2017’an de li navçeya Elkê ya Şirnexê 3 welatî birîndar bûn.

*Di 9’ê hezîrana 2017’an de polîsan bi maşîneya zirxî li Mehmet Şerîf Bakir ê 17 salî qeliband û birîndar kir.

* Di 10’ê nîsana 2017’an de li taxa 2’ê nîsanê ya Wanê Abdulvahap Taş bi giranî birîndar bû. Di heman dîrokê de û di heman bûyerê de Mehmet Alî Kaya jî birîndar bû.

* Di 28’ê hezîrana 2016’an de li navçeya Armûşê ya Wanê Çinar Bartin a 8 salî birîndar bû.

* Di 4’ê gulana 2016’an de li Colemêrgê 2 xwendekar bi maşîna polîsan birîndar bûn.

*Di 23’ê gulana 2015’an de li navçeya Geverê ya Colemêrgê Kamuran Orman ê 15 salî bi giranî birîndar bû.

*Di 2’ê Îlona 2014’an de li Fîskaya ya Amedê Enes Karagoz ê 7 salî bi giranî birîndar kir.

*10’ê sibata 2013’an: Polîs Selahattîn Korkmaz li Amedê bi maşîneya zirxî li ciwanê 19 salî Şahîn Oner qeliband û kuşt. Lê dadgehê Amedê tenê 5 sal û 4 meh cezayê hepsê li polîs birî.

*Polis Îdrîs Aksoy ê ku Efe Tektekîn ê 5 salî kuşt beraet kir.