Polîsan serê sibehê bi ser mala nûçegîhana Jinnewsê Berîtan Canozer de girt û Berîtan Canozer li malê binçav kir. Polîsan piştî li malê lêgerîn kir, Berîtan Canozer birin Midûriyeta Polîsan a Amedê. Berîtan Canozer, heta niha gelek caran hatiye binçavkirin û berdan.
Polîsan li Edeneyê jî bi ser gelek malan de girtin
Di çarçoveya lêpirsîna Serdozgeriya Komarê ya Edenê de, polîsan bi ser gelek malan de girtin. Polîsan bi ser 29 navnîşanan de girtin û deriyên malan bi balyozan şikandin. Polîsan di lêgerînê de alavên malan belav kirin. Polîsan di serdegirtina malan de gelek kes binçav kirin.
