Hêzanê Sûrîyeya Demokratîke (QSD) vera hêrişanê droneyanê çekdaran ê dewleta tirke cewab da û 6 cergê dewleta tirke kiştî.

QSDyî bi eşkerayîyêka nuştekîye derheqê operasyonanê xo de agahîyî dayî. Eşkerayîye de ame vatene ke artêşa tirke û cergê ci vera şarê kurdî û herêma Rojava bêmabên hêrişanê xo rê dewam kenê. QSDyî yew zî nê agahîyî pare kerdî:

“Hêzanê ma cergê ke tewrê nê hêrişan bîyê teqîb kerdî û seba ke qesasê hêrişê 3yê tebaxe yê Qamişloyî bigêrê 7ê tebaxe de dewa Erîşa ya Til Temirî û Serêkanîyê de vera noqtayanê cergan operasyon kerd.

Operasyon de 6 cergî kişîyayî. Şerwanêkê Meclîsê Leşkerî yê Til Temirî zî operasyon de şehîd bî.”