Meclîsê Ciwananê Sûrîyeya Demokratîke bi coşî paştî dano Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye.’

Endamê Meclîsî Ehmed Elîyî eşkerayîye wende. Eşkerayîye de ame vatene ke 25 serrî yo Serekê PKKyî Abdullah Ocalan Zîndanê Îmraliyî de binê tecrîdêkê giranî de tepişîyeno. Meclîsî dîyar kerd ke tecrîd goreyê krîteranê mîyanneteweyîyan sûcêkê vera merdimatîye yo.

Meclîsî paştî daye hemle û vat: “Ma sey Meclîsê Ciwananê Sûrîyeya Demokratîke bi pêro rêxistinan, partî û rêxistinanê cinîyan bi coşî tewrê na hemle benê. Ma tecrîdê vera Rayberîye şermezar kenê û azadîya ey wazenê. Ma venga pêro şaranê bindestan, cinî û ciwanan danê ke tewrê na hemle bibê û paştî bidê armancanê Rayberîye yê seba awankerdişê Rojhelatê Mîyanênî yê demokratîkî.”