Hukmatê Erdoganî vera rojnamevanê kurdan tedaya girde keno. Rojnamevanê tepişteyanê ke bi avûkatan pêvînayîş kerd wina pare kerd: “Ma do nuştiş rê dewam bikerê.”

Hemserekê Komela Rojnamevanê Dîcle û Firatî (DFG) Serdar Altanî vat: “Krîzo ekonomîk xorî beno, tayê operasyonê leşkerî yenê plan kerdene. Prosesê weçînayîşî dest pê keno. Rojnamevanî nê serebûtan taqîp kenê. Beno ke sebebê destbendkerdişê ma no yo.”

Edîtorê Ajansê Mezopotamya Azîz Oruçî îfade kerd ke polîs zî nêzano ê çira destbendkerdî. Oruçî wina qisey kerd: “Derheqê xebatanê rojnamevanîya ma de cipersayîş rayrabenê. Ez xeylê wexto ke roportajanê kuçeyî kena. Pêro nê roportajî zî yenê weşanayene. Ê nê weşanan de nêeşkenê rastê sucan bêrê.”

Rojnamevan Omer Çelîkî vat ke rojnamevanîye krîmînalîze kenê û wina arz ziwan: “Ma çend rojano ke yenê destbendkerdene. Ma nêzanê bi çi yenê sucdar kerdene. Goreyê mi ê zî nêzanê. Coka mudetê destbendkerdişî derg kenê ke çîyêk bivînê.”