Sîyasetmedar Faysal Sariyildizi venga şarê Botanî da û wina vat: “Ganî ma bi taybetî merkez de pêro qezayanê Şirnexî de ser bikewê. Ganî ma şaredarîyanê xo apey bigêrê.”

Sariyildizî ard ziwan ke seba ke sîstemê îşxalkeran bêro vindarnayene ê wazenê ke nê weçînayîşan de tewirêkê holî bimojnê. Sariyildizî vat: ”Ê wazenê bi rayîranê cîyayan şaredarîyanê ma bivisnê destî. Ganî ma mesajê ‘Şima nêeşkenê ma bin bivisnê, heta ke şima welatê ma nêşinasnê rehet nêbê’ bidê înan. Coka ganî ma bi taybetî merkez de pêro qezayanê Şirnexî de ser bikewê. Ganî ma şaredarîyanê xo apey bigêrê. 

Şarê Botanî heta nika bedelê pîlî dayî. Ganî şarê Botanî nêxapîyo. Ez bi taybetî venga ciwanan dana ke weçînayîşanê herêmîyan de şorê, raya xo bidê. Ez Kurdistanî ra dûrî ya la bi zerrîyêka germe vengê şima kena. Ez nika ra şarê Botanî ra serkewtiş wazena.”