Kênaya Ronayoxê Komara Kurdan a Mahabadî Qazî Mihemedî, Suheyla Qazî vizêr bajarê Bonnî yê Almanya de şîye heqîya xo.
Suheyla Qazîya ke 11ê temmuza 1941î de Mahabad de ameye dinya, 40 serrî yo surgun de bîye.
Suheyla Qazî 2010 de semedê tewrbîyayîşê Konferansê Cinîyan ê Kurdan ke hetê Têgêrayîşê Cinîyan ê Azadan ê Demokratîkan (DOKH) ame organîzekerdene de amebî Amed. Tîya de roportajo ke dabî Ajansê Xeberan ê Dîcle yo ke bi Qerarnameyê Hukmê Qanûnî (KHK) ame qefilnayene, vatbî “Ez pê hesreta roja ke agêrana welatê xo ciwîyena.”
Suheyla Qazî mesajê “Eke ma bibê yew û pîya têbigêrê, ma eşkenê serbikewê” dabî.
