Di ser erdheja ku di 6’ê Sibatê li Gurgumê pêk hat re 20 roj bûn. Li herêma erdhejê hê jî pirsgirêkên mezin hene. Piranî jî jin û zarok pirsgirêkan dijîn û gelek pêwîstiyên wan nayên bersivandin. Ji bo ku ji van pirsgirêkan re bibe çare Tevgera Jinên Azad (TJA) piştevaniya xwe ya bi jin û zarokên li herêmên erdhejê re didomîne û piştevaniyê roj bi roj mezintir dike. Di vê çarçoveyê de wê jî îsal jîn ji bobernameya 8’ê Adarê Roja Jinan a Cîhanê biçin herêma erdhejê û piştgirî bidin jin û zarokên mexdûrên erdhejê.

Li navçeya Bazarcix a Mereşê, Parlamentera Partiya Demokratîk a Gelan (HDP) Dilşad Canbaz Kaya, Hevşaredara Silopiyayê Adalet Fîdan û jinên dilxwaz, kon bi kon digerin û pêwistiyên mexdûrên erdhejê tespît dikin. Hevşaredara Silopiyayê Fîdan, da zanîn ku dema li nav konan geriyane, tespît kirine ku pêdiviya bi cil û bergan a jin, zarok û zilaman nehatiye pêşwazîkirin û diyar kir ku pêdiviya mexdûrên erdhejê bi cil û bergan heye.

Bi domdarî Fîdan, destnîşan kir ku hewcehî bi şampûan, sabûn, alavên din ên paqijiyê, bi melhemên dest-rû û bincilên jin û zarokan heye û ev tişt gotin: “Pêşengtiya kampanyaya alîkariyê ya bi herêmên erdhejê re jin dikin. Ev nêzî hefteyeke bi taybet jî ji bo jin û zarokan alîkarî tên kirin û ev alîkarî dê bidomin. Dê di 8’ê Adarê de pêdiviyên jinan bên pêşwazîkirin û em ê mil bidin milên hev. Em ê ji vir û şûnde heta hemû pêdiviyên mexdûrên erdhejê tên pêşwazîkirin, dê kampanyayên xwe ji bo jin û zarokan bidomînin.”