Serokê Ukraynayê Volodimir Zelenski beriya niha dabû xuyakirin ku ew û malbata xwe di hedefa Rûsyayê de ne û Rûsyayê dixwaze wî bikuje û hikûmeta welatê wî hilweşîne. Her wiha li gorî raporeke Ajansa Istixbarata Amerîkayê CIA, beriya ku Rûsya êrîşî Ukraynayê bike hin segvanên xwe li paytext Kievê bicih kirine da ku Volodimir Zelenski bikujin.

Ji ber van sedeman Amerîkayê ji Volodimir Zelenski re gotibû heke ew bixwaze derkeve derveyî welat dê alîkariya wî bikin lê Zelenski ew daxwaz red kiriye û gotiye ku ew dê heta dawî li kêleka leşkerên xwe şer bike.

Ji aliyekî din ve doh Konseya Ewlekariyê ji ber vetokirina Rûsyayê nikaribû biryarekê der barê Ukraynayê de bide.