Nazan Sancara ke verê bînaya HDPyî yê Wanî de nişena ro, dewleta tirke ra hetkarîye gêna.
Nazan Sancara ke pê destê MÎT û Emnîyetî verê bînaya HDPyî de nişena ro, hêrişê HDPyî kena.
Nazan Sancare bedelê ney zî bi qîmî şaredarîye ra gêna. Sancare dima ke dest pê hêrişê HDPyî kerd, kewte Serekîya Dayîreyê Karanê Agahîye, laj û veyva xo zî dekerdî kar. Sancare her menge 15 hezar lîra meaşî gêna. Sancare teyna adare de Serekîya Hetkarî û Paştdayîşê Komelî ra 53 hezar lîra girewte. Nazan Sancare ney ra ber hetkarîya madîye zî gêna.
Nazan Sancare zaf reyî şina Anqara û seba ke Hetkarê Sekreterê Pêroyî yê Şaredarîye Fazil Tamer xalê ci yo, heqê rayîrî zî budçeya şaredarîye ra gêna.
Sancare 2022 de meaşî reyde binê nameyê hetkarîya mobîlya şaredarîye ra 110 hezar lîra girewte.
