Zîndanê Tîpê Dyî yê Amedî ra 12 rojnamegerî surgunê Zîndanê Asayîşê Berzî yê Amedî ameyî kerdene.
16 rojnamegerê kurdî 16ê hezîrane de bi îdîaya ‘endamîya rêxistine’ tepişîyabî û ameybî berdene bi Zîndanê Tîpê Dyî yê Amedî. Dîya zanayene ke 12 rojnamegerî surgunê Zîndanê Asayîşê Berzî yê Amedî ameyî kerdene.
Mudirê Karanê Nuşteyî yê Rojnameyê Xwebûnî Mehmet Alî Ertaş, Edîtorê Ajansê Mezopotamya Azîz Oruç û Ramazan Gecîken, Mazlum Guler, Abdurrahman Oncu û Sûat Dogûhan sewqê Zîndanê Asayîşê Berzî yê Amedî yê Hûmara 1.; Hemserekê Komeleya Rojnamegeran a Dîcle Firatî Serdar Altan û Mehmet Şahîn, Zeynel Abîdîn Bûlût, Omer Çelîk, Îbrahîm Koyûncû û Lezgîn Akdenîz zî sewqê Zîndanê Asayîşê Berzî yê Amedî yê Hûmara 2. ameyî kerdene.
