Xizmên Windayan û Şaxa ÎHD’ê ya Amedê, her hefte ji bo winda bên dîtin û kujer bên darizandin, bang li rayedaran dikin. Xizmên windayan û ÎHD’ê îro dîsa ji bo aqûbeta Emîn û Mehmet Findik û Omer Kartal ên 26 sal berê elok birin ji polîsan re û winda bûn, bipirsin daxuyanî dan.
ÎHD’a Amedê û Xizmên Windayan bi dirûşma “Bila winda bên dîtin, faîl werin darizandin” di hefteya 647’emîn de çalakiya xwe bi rêya onlinê berdewam kirin. 26 sal berê bira Emîn û Mehmet Findik û Omer Kartal, di 31’ê kanûna 1995’an de şamî birin Miduriyeta Polîsan a Silopiya. Piştî çûn midûriyeta polîsan carek din agahî ji wan nehat girtin. Endama Rêveberiya ÎHD’ê Buşra Eylul Ozgultekîn çîroka windakirina 3 kesan xwend û xwest bi lez bên dîtin.
