Mîhrîcana Şanoya Bajêr a Amedê ya 8’emîn dê di 20’ê cotmehê saet 19:30’an de bi dirûşma “Va Cûdî û va ye ev ax!” li avahiya Şanoya Bajêr a Amedê ya semta Dîclekentê ya navçeya Peyas a Amedê dest pê dike û di 30’ê cotmehê de bi dawî bibe. Dê ji Ewropa, Tirkiye, bakur, başûr û rojhilatê Kurdistanê gelek komên şanoyê tev li mîhrîcanê bibin. Mîhrîcan dê bi lîstika “Haylo Dîsa Tevlihev Bû” bi dawî bibe.
Lîstikvan a Şanoya Bajêr a Amedê Elvan Koçer, têkildarî mîhrîcanê axivî û wiha got: “Em ê 8’emîn Mîhrîcana Şanoyê di 20’ê cotmehê de bidin destpêkirin. Mîhrîcan dê di navbera di 20 û 30’ê cotmehê de, bi giştî 10 rojan dê bidome. Projeyeke hevpar pêk tê û mîhrîcaneke navteweyî ye. Ji başûr, rojhilat û bakurê Kurdistanê, Ewropa û Tirkiyeyê gelek kom tên. Bi giştî 18 lîstik dê werin lîstin. 13 lîstik bi kurmancî, 5 lîstik jî bi tirkî dê werin pêşkêşkirin. 2 semîner jî dê werin lidarxistin. Yek ji aliyê Sureyya Karacabey û yek jî ji aliyê Ghotbedîn Sadeghî ve dê were lidarxistin. Her wiha Berfîn Zenderlîoglû jî dê 2 roj an li ser derhêneriyê kargehekê li dar bixe.”
‘Bila temaşevan me bi tenê nehêlin’
Koçer, di dawiya axaftina xwe de bang li şanohezan kir û ev tişt anî ziman: “Bi rastî temaşevanên me yên Amedê gelekî xurt in. Di tu lîstikan de me bi tenê nahêlin. Heta niha mîhrîcanên me hemû jî bi kêfxweşî derbas bûne. Dîsa em dubare dikin û dibêjin, bila temaşevan me bi tenê nehêlin.”
Bernameya Mîhrîcana Şanoyê wiha ye:
*20’ê Cotmehê: Şanoya Bajêr a Amedê – Hema Hema Jin Elîzabeth (20.30)
*21’ê Cotmehê: Kumpanyamed – Tayo, Datdat ve Oncekî Bazi Hayatlar (15.00)
*21’ê Cotmehê: Ban Theather (Almanya-Hamburg) û Antract Theather (Belçika) – Qesra Balindeyên Xemgîn (20.30)
*22’yê Cotmehê: Sureyya Karacabey – Semînera Şano û Demê (12.30)
*22’yê Cotmehê: Ban Theather (Elmanya-Hambûrg) û Antract Theather (Belçîka) – Qesra Balindeyên Xemgîn (15.00)
*22’yê Cotmehê: Rêveberîya Hunera Şanoyê (Duiok) – Birdank (20.30)
*23’yê Cotmehê: Yenî Sahne ya Êlihê – Serbaz (15.00)
*23’yê Cotmehê: Kati Hwner (Kerkûk) – Kas w Hanvın (20.30)
*24’ê Cotmehê: Şanoya Mask-Şanoya Temrîn (Amed) – Morî (15.00)
*24’ê Cotmehê: Şanoya Rituel – Çîrokeke Cengê (20.30)
*25’ê Cotmehê: Şanoya Yekta Hêvî – Tu ne Gara yî (15.00)
*25’ê Cotmehê: BGST (Stenbol) – Son Çagri (20.30)
*26’ê Cotmehê: Ghotbedin Sadeghî – Semînera Girîngiya Şano û Şanonameya Kurdî (12.30)
*26’ê Cotmehê: BGST (Stenbol) – Son Çagri (15.00)
*26’ê Cotmehê: Mek’an Sahne – Dansoz (20.30)
*27’ê Cotmehê: Şanoya Bajêr a Amedê – Dek û Dolabên Scapen (15.00)
*27’ê Cotmehê: Şanoya Rad (Ûrmiye) – Qabûza Mêrûyan (20.30)
*28’ê Cotmehê: Alan Theatre – Kûçikê Stalîn (15.00)
*28’ê Cotmehê: Moda Sahnesî – Hayat Senî Çok Seviyorum (20.30)
*29’ê Cotmehê: Moda Sahnesî – Hayat Senî Çok Seviyorum (15.00)
*29’ê Cotmehê: Teatra Jiyana Nû – Lîstik (20.30)
*30’ê Cotmehê: Berfîn Zendarlîoglû – Kargeha Derhêneriyê (10.30-14.30)
*30’ê Cotmehê: Şermola Performans – Serencama Qıjıkan (15.00)
*30’ê Cotmehê: ŞanoWan – Haylo Dîsa Tehlihev Bû (20.30)
