Gef û êrişên Tirkiyeyê yên li dijî Bakur û Rojhilatê Suriyeyê didomin. Herî dawî Serokkomar Tayyîp Erdogan, duh piştî Civîna Lijneya Wezîran derket pêşberî kamerayan û careke din gefa êrişê li dijî Bakur û Rojhilatê Sûriyeyê xwar. Erdogan, angaşt kir ku amadekariyên wan ên vê der barê de didomin û heke bi dawî bibin wê dest êrîşên xwe yên dagirkirina Bakur û Rojhilatê Sûriyeyê bikin.
Li Bakur û Rojhilatê Suriyeyê, li dijî van gefên Tirkiyeyê bertek tên nîşandan û bi bertekan re ji bo bersivdanê amadekarî jî tên kirin. Di vê çarçoveyê de 34 partî û tevgerên siyasî yên Bakur û Rojhilatê Suriyeyê li Qamişlo li hev civiyan û li Navenda Lêkolîn û Şêwira Dîplomatîk a li bajar bi erebî, suryanî û kurdî daxuyanî dan çapemeniyê.
Partî û tevgerên siyasî, di daxuyaniya xwe de bal kişandin ser rewşa li herêmê û xetereya êrişeke muhtemel a Tirkiyeyê û xwestin ku Tirkiye li gorî peymanên agirbestê yên di cotmeha 2019’an de ji aliyê Amerîka û Rûsyayê ve pê re hatine îmzekirin tevbigere. Partî û tevgeran, di berdewama daxuyaniya xwe de bang li endamên Koalîsyona Navneteweyî di serî de Amerîka, Îngilistan, Fransa û Rûsya kir ku bi armanca pêşîgirtina êrişên Tirkiyeyê qada hewayî ya Bakur û Rojhilatê Sûriyeyê ji firîna balefiran re bigirin.
Navê partiyên ku daxuyanî dane wiha ne:
Partiya Yekitiya Demokratîk,
Partiya Kesk a Demokrat,
Partiya Aştiyê ya Demokratîk a Kurdistanê,
Yekitiya Lîberal a Kurdistanê,
Partiya Komunîst a Kurdistanê,
Partiya Demokrat a Kurdistanê -Sûriyê,
Partiya Demokrat a Kurd ya Sûrî,
Partiya Çep a Kurd li Sûriyê,
Partiya Çep a Demokrat a Kurd li Sûriyê,
Partiya Kombûna Nîştimanî ya Kurdistanê
Yekitiya Şexîlê ya Kurdistanê
Partiya Guhertin a Demokratîk a Kurdistanê
Desteya Nîştimanî ya Erebî
Tevgera Nûjen a Kurdistan
Partiya Komarî ya Kurdistanê
Partiya Rêkeftina Demokrat a Kurdî ya Sûriyê
Tevgera Reform-Sûriyê
Partiya Asûrî ya Demokratîk
Partiya Biratî ya Kurdistanê
Partiya Roj ya Demokratîk a Kurd li Sûriyê
Yekitiya Nîştimanî ya Azad-Rojava
Tevgera Civaka Demokratîk
Kongra Star
Partiya Muhafizkaran a Demokratîk
Partiya Têkoşînê ya Demokratîk
Şepêla Pêşerojê a Kurdistanê
Partiya Demokrat a Kurdistanê-Rojava Kurdistan
Tevgera Guhertinê ya Demokratîk
Partiya Yekitiya Suryan
Partiya Demokrat a Kurd li Sûrî (partî)
Partiya Sûriya Pêşerojê,
Partiya Nûjen û Demokratîk li Sûriyê
Desteya Koordîneyê ya Nîştimanî (Tevgera Guhertinê ya Demokratîk)
Partiya Yekitiya Demokrat a Kurd li Sûriyê (Yekitî)
