Li navçeya Qoser a Mêrdînê, qeyûmê berê Huseyîn Çam û burokratên xwe careke din bi nelirêtî û bertîl hatin rojevê. Beriya niha ji ber ji bo îhaleya ku dabû Asî Înşaatê para xwe girtibû giliya qeyûmê Çam hatibû kirin. Piştî vê nelirêtiyê niha jî hat angaştkirin ku rêveberiya heman qeyûmî di berdila karên kirine ji ji fîrmaya P. di bin navê “komîsyonê” de bertîl xwestiye.

Hat angaştkirin ku cîgirê qeyûm Mehmet K. ketiye dewrê û ji bo karên parke û înşaetê di bin navê “komîsyonê” de ji fîrmaya P. 800 TL bertîl xwestiyeç Fîrmayê ev bertîl qebûl nekiriye û têkildarî mijarê di sala 2021’an de li Walîtiya Mêrdînê gilî kiriye.

Walîtiyê jî li ser vê yekê ji şaredariyê agahiyên derheqê fîrmayên pê re kar dikin xwest. Lê piştî ku ev nivîsa daxwaza walîtiyê çûye ber destê Mehmet K. Xwestiye ser lêpirsînê were girtin û bi rayedarên fîrmayê re hevdîtin kiriye û ser bûyerê girtiye.