Şaxa Egîtîm Senê ya Êlihê, ji bo 53 xwendekarên ku atolyeyên kurdî ji wan re vekiribû û perwerdeya kurdî dabû wan, li Şaxa Komeleya Mafê Mirovan a Êlihê, merasîma derçûnê li dar xist. Platforma Ked û Demokrasiyê ya Êlihê, ARÎ-DER, mamoste û xsendekar tev li merasîmê bûn.

Di merasîmê de Hevserokê Şaxa Egîtim-Sen’ê ya Êlihê Ramazan Bîlmez axaftinek kir. Bîlmez, di axaftina xwe de spasiya kesên ji bo zimanê kurdî ked didin kir û banga berbelavbûna zimanê kurdî kir.

Piştî axaftina Bîlmez spasname, li 53 xwendekarên ku temenê wan di navbera 3-9 salan de û asta destpêkê ya kurdî dîtibûn, hatin belavkirin.

Piştî ku spasname hatin dayîn koroya zarokan derket ser dikê û stranên kurdî gotin. Bi zarokan kesên beşdarî merasîmê bûn jî stran gotin.

Her wiha ji bo 6 mamosteyên ku zarokan perwerde kiribûn jî plaket hatin dayîn.

Merasîmê bi gerandina govendê bi dawî bû.