Panelo ke paytextê Atîna yê Yewnanistanî de virazîya de ame vatene ke fikrê Abdullah Ocalanî vilayê pêro dinya bîyê.
Merkezê Kulturê Kurdan ê Atina de bi wesîleya serrgêra Komployê Mîyanneteweyî yê vera Serekê PKKyî Abdullah Ocalanî panelêk ame kerdene. Panel hetê Merkezê Komelê Demokratîkî yê Kurdan ra ame serûberkerdene. Kurdistanijî û dostê înan beşdarê panelî bîyî.
Musa Kayayî panel de qisey kerd û bale ante armancanê Komployê Mîyanneteweyî û sîstemê Îmraliyî ser. Kayayî vat: “Rayber Apo binê tecrîdî de yo la fikrê ci vilayê pêro dinya bîyî. Eke tecrîd wina dewam bikero ganî ma rêxistinbîyayîşê xo rexne bikerê. Ganî kurdî vera tecrîdî her ca de têkoşîn bikerê.”
Panel bi mojnayîşê sînevîzyonî qedîya.
