Endama Grup Yorumî Hêlîn Boleke roja 288. ya rojeyê mergî de cuya xo vindî kerde. Boleke vera zextê dewlete de dest bi rojeyê mergî kerdbî û 288 rojan xover daye. Cenazaya Boleke ya ke bi vilikan ameye xemilnayene hetê cinîyan ra ameye wedartene.Endamê Grup Yorumî Îbrahim Gokçeko ke o zî rojeyê mergî de yo pê sandalîye tewrê merasîmê cenazeya Boleke bî û hemraya xo ra xatir waşt.Cenaze Kuçuk Armutlu ra ameye girewtene û ame waştene ke bêraCemxaneyê Okmeydanî.Polîsan waşt ke cenaze nêra Cemxaneyî.Çîyo ke merdiman dejneno oyo ke rojêka winasî de daxî fek hêrişan nîno veradeyene û bi fermanê selahîyetdaran merasîmê cenazeyan yenî astengkerdene. Ganî bêro vîrvistene ke hêrişan de xeylê kesî zî ameyî tepiştene.
Gelo no bêteemmulî seba çi yo? Pêroyê dinya rojanê xiraban ra vêrena. La reyna zî hîssanê nijadperestîye ra fek nîno veradayene. Kam beno wa bibo û merdim çi bawerî, îdeolojî û nijadî ra beno wa bibo, ganî cenazeyêk rê hurmet bêro nîşandayene. Tarîx ra heta ewro bêhurmetîya vera cenazeyan kerdenê îdarekaranê verênan ê.
