Duşem, Mijdar 29, 2021

Heqê telefonî yê tepişteyan yeno astengkerdene

Babîyê tepişteyê Aytaç Unsalî Nîhat Unsalî da zanayene ke heqê telefonî yê lajê ci bi bahaneya ‘sixletîye’ ame kêmkerdene û vat: ”Ma pabeyê destpêkerdişê pêvînayîşê akerdeyî bi la heqê telefonî zî ame kêmkerdene.”

Zîndanan de binpaykerdişê heqan, teda û kerdişê xirabî dewam kenê. Babîyê tepişteyê Aytaç Unsalî Nîhat Unsalî ajansê ANFyî rê qisey kerd û da zanayene ke heqê telefonî yê lajê ci bi bahaneya ‘sixletîye’ ame kêmkerdene.

Avûkat Aytaç Unsalo ke Zîndanê Şakranî de tepişîyeno verî rojeyê mergî kerdbi û verî ke tedawîya ci biqedo reyna amebi tepiştene.

Babî Nîhat Unsalî pare kerd ke no kerdiş tecrîd o û vat: ”Ma hewteyêk de rey eşkayêne vengê lajê xo bieşnawê. Nika o zî kêm bi. Nê kerdişî keyfî yê. Ma pabeyê destpêkerdişê pêvînayîşê akerdeyî bi la heqê telefonî zî ame kêmkerdene.”

Unsalî bale ante ser ke gardîyanan dest nayo kitabê lajê ci ser û vat: ”Mudiro newe yê zîndanî teda zêdîneno. 5 mengî verî gardîyanan eştbi koxûşê ci ser û pê zorî koxûşê lajê mi bedilnabi.”

Aytaç Unsalî dima ke dest nîya kitabê ci ser keyeyê xo rê mektubêke şawite û qala binpaykerdişan kerde. STENBOL

Heqê telefonî yê tepişteyan yeno astengkerdene

Babîyê tepişteyê Aytaç Unsalî Nîhat Unsalî da zanayene ke heqê telefonî yê lajê ci bi bahaneya ‘sixletîye’ ame kêmkerdene û vat: ”Ma pabeyê destpêkerdişê pêvînayîşê akerdeyî bi la heqê telefonî zî ame kêmkerdene.”

Zîndanan de binpaykerdişê heqan, teda û kerdişê xirabî dewam kenê. Babîyê tepişteyê Aytaç Unsalî Nîhat Unsalî ajansê ANFyî rê qisey kerd û da zanayene ke heqê telefonî yê lajê ci bi bahaneya ‘sixletîye’ ame kêmkerdene.

Avûkat Aytaç Unsalo ke Zîndanê Şakranî de tepişîyeno verî rojeyê mergî kerdbi û verî ke tedawîya ci biqedo reyna amebi tepiştene.

Babî Nîhat Unsalî pare kerd ke no kerdiş tecrîd o û vat: ”Ma hewteyêk de rey eşkayêne vengê lajê xo bieşnawê. Nika o zî kêm bi. Nê kerdişî keyfî yê. Ma pabeyê destpêkerdişê pêvînayîşê akerdeyî bi la heqê telefonî zî ame kêmkerdene.”

Unsalî bale ante ser ke gardîyanan dest nayo kitabê lajê ci ser û vat: ”Mudiro newe yê zîndanî teda zêdîneno. 5 mengî verî gardîyanan eştbi koxûşê ci ser û pê zorî koxûşê lajê mi bedilnabi.”

Aytaç Unsalî dima ke dest nîya kitabê ci ser keyeyê xo rê mektubêke şawite û qala binpaykerdişan kerde. STENBOL