Heyeto ke hunermendê sey Şivan Perwer, Dîyar Dersim, Firmêsk Hafiz, Hesen Şerîf û Besere Şahîn tede estê, Hewlêr de Wezaretê Pêşmergeyan zîyaret kerd.

Komêka hunermendanê kurdan ê ke Ewropa ra seba şîyayîşê Başûrê Kurdîstanî şî herême, Hewlêr de Wezîrê Peşmereyan yê Herêma Federal ya Kurdîstanî reyde pêvînayîş kerd. Heyet hetê Wezîrê Pêşmergeyan Şoreş Îsmaîlî ra ame pêşwazîkerdene. Pêvînayîş çapemenî rê padaye ame kerdene û bade pêvînayîşî hunermendan eşkerayîya çapemenî da.

Perwer: Ganî ma Başûr û destkewteyanê ci bipawê

Hunermend Şivan Perwerî pêvînayîşî ra dima eşkerayîye da û vat: ”Ma sey hunermendanê kurdan ameyî Başûr û waştişê xo Wezaretî rê pêşkêş kerdî. Dişmenê kurdan wazenê kurdî bikewê pê, têvera şer bikerê. Ganî ma Başûr, destkewteyanê ci bipawê. Seba haştîya kurdan çi bikewo milê ma, ma do bikerê.”

Dîyar: Ma nêwazenê gerîla û pêşmergeyî şer bikerî

Hunermend Dîyar Dersimî zî cewab da persanê rojnamegeran û vat: ”Wa pêşmergeyî erkê xo bîyarê ca. Ma nêwazenê mabênê gerîla û pêşmergeyan de şer biqewimîyo. Wezaretî soz da ma ke ê do şerê zereyî nêwazê. Çunke şer têna xizmetê dewleta tirke keno.” HEWLÊR