Serokê DYA’yê Joe Biden û Wezîrê Karên Derve Tony Blinken îro dest bi serdana Rojhilata Navîn dikin. Di destpêkê de dê serdana Israîlê bikin û roja 15 û 16’ê tîrmehê dê li Erebistanê Siûdî bin. Li gorî daxuyaniyên rayedarên Amerîkayê yên beriya vê serdanê dê hevdîtinên cuda bi rayedarên Israîl û Filistînê re werin kirin û paşê jî li ser vexwendina Qral Selman Bin Abdulezîz berê xwe bidin Erebistana Siûdî.
Her wiha li gorî bernameya hevdîtinên li Erebistana Siûdî dê Joe Biden tev li lûtkeya welatên Kendavê bibe. Lûtke bi tevlêbûna serokê welatên Kendava Erebî, Serokê Misrê Abdulfetah El sîsî, Qralê Urdunê Abdulah El Sanî û serokwezîrê Iraqê Mustefa El Kazimî pêk tê.
