Kemal Kurkuto ke Newroza Amedî de polîsan ci qetil kerdbî, serê mezelê xo de ame vîradene
Kemal Kurkuto ke Newroza Amedî ya serra 2017an de polîsan ci qetil kerdbî, serê mezelê xo de ame vîradene. Sergêra 5. yê qetilkerdişê Kurkutî 21ê Adare roja Newroze yo. Vîrardişo ke Goristanê Toptaşî yê qezaya Battalgazî ya Meletî virazîya de kemano ke Kurkutî zêde ci ra hes kerdêne ronîya serê mezelê ci. Keyeyê Kurkutî, Parlementerê HDPyî yê Êlihî Mehmet Ruştu Tiryakî, endamê Rêxistina HDPyî ya Bajar û xeylê kesî tewrê vîrardişî bîyî.
Dayika Kemalî, Secan Kurkute mezelê lajê xo verik kerde û bi kurdî lorîna.
Parlamenterê HDPyî Ruştu Tiryakî vîrardiş de qisey kerd û wina va: “Kemal Kurkut tena Meletî de nê Amed û heme bajaranê bînan de yeno vîrardiş. Do Kemal Kurkut qet nêro vîrîkerdiş û do her Newroze de bêro vîrardiş.” MELETÎ
