Koma Dortmundî venga pêro kurdan û embazanê înan da ke vera hêrişan têkoşînî berz bikerê û pare kerd: “Roje roja serkewtişî ya. Eke ma vera nê hêrişan vengê xo berz mekerê, siba rewşêka hîna xirabe do biqewimîya.”
Nobeta Azadîye ya ke 25ê hezîrana 2012î de hetê Înîsîyatîfê Abdullah Ocalanî rê Azadîye ra seba azadîya Rayberê Şarê Kurdî Abdullah Ocalanî dîyabî destpêkerdene, dewam kena.
Hewteyê 515. de endamanê Merkezê Komelê Demokratîkî yê Kurdan ê Dortmundî Xelef Çelîk, Erdal Keskîn û Vedat Aydinî nobeta azadîye dewr girewte.
Nameyê kome ser o Xelef Çelîkî qisey kerd û ard ziwan ke Abdullah Ocalan Zîndanê Îmraliyî de seba kurdan xo ver dano. Çelîkî vat: ”La ma sey kurdan heqê kedanê ey nêdanê. 40 mîlyon kurdî seba azadîya Rayber Apoyî nêwirzenê payan ser.”
Çelîkî bale ante hêrişanê dewleta tirke ser û pare kerd ke keyeyê Barzanîyan hemkarê nê hêrişan o. Çelîkî vat: ”Ma hêvî kenê ke nê hêrişî cade biqedê. Kurdî do pê çêran û perspektîfê Rayberîye ser bikewê. Ganî kurdîstanijê Ewropa her ca de qala têkoşînê gerîlayan bikerê. Roje roja serkewtişî ya. Eke ma vera nê hêrişan vengê xo berz mekerê, siba rewşêka hîna xirabe do biqewimîya. Wa bimiro îxanet, biciwîyo Rayber Apo.’‘
