Serê sibehê êrîşeke bi fûzeyan li dijî balafirgeha navdewletî ya Bexdayê pêk hat. Li gorî agahiyan êrîş bi 6 fûzeyan pêk hatiye, yek ji wan li balafirekê ketiye û zirar daye balafirê. Ragira fûzeyan di kamyonetekê de hatiye bicihkirin û ji rojavayê Bexdayê fûze jê hatine avêtin.
Her wiha li gorî agahiya ajansên herêmî yên Bexdayê fûzeyan zirar daye hin balafirên din jî. Ji aliyekî din ve baregeha DYA’yê ya bi navê Victorya ya li balafirxaneya Bexdayê jî bi balafireke bê mirov hatiye hedefgirtin. Lê pegala parastinê ya (C-RAM) ew balafir beriya ku bigihîje hedefa xwe aniye xwarê.
