Rojên muzîkê ku ji aliyê Akademiya Hunerê ya Aryen a li Wanê xebatên xwe didomîne ve hat lidarxistin, duh bi şev bi konserekê destpê kir. Aktîvîteyên rojên muzîkê ku li ser dika Şanowan a li Perîhan AVM’ê dest pê kir wê 4 rojan bidome.
Di rojen muzîkê de ewilî Dengê Meyman derket ser dikê. Piştî Dengê Meyman ku klamên kevneşopî gotin, Wan Aryen Kom derket ser dikê.
Di çarçoveya aktîvîteyan de wê îşev saet di 20.30’an de Koma Sorjiyan derkeve ser dikê. Dahatên rojên muzîkê yên çar rojan, ku dengê Meyman, Aryen Kom, Sorjiyan û Kolektîfa Colemêrg jî derkevin ser dikê, wê diyarî mexdûrên erdhejê bê kirin.
