Komek jinên rojnameger di 3’yê gulana 2017’an de Platforma Rojnamegerên Jin a Mezopotamyayê ava kirin. Di ser avakirina Platformê re 5 sal borîn. Jinên rojnameger 5 sal berê ji bo bi têkoşîna rêxistinkirî, li dijî zihniyeta mêr, zextên dewletê bibin bersiv hatin gel hevdu û Platforma Rojnamegerên Jin a Mezopotamyayê ava kirin. Platform binpêkirina mafên rojnamegerên jin dike rapor û alîkariyên hiqûqî dike. Platforma Rojnamegerên Jin a Mezopotamyayê têkildarî salvegerê peyamek weşand û wiha got: “Di navenda xebatên me de jin cihên xwe digirin. Newekheviya li jinan tên kirin di qada rojnamgeriyê de jî pêk tê. Di navenda platforma me ya piştgiriya xwe ji piştevaniya jinê digire de jin cihên xwe digirin.”