Rojnameya Heftane

Jina pêşeng a dema xwe; Hypatia

Navenda Nûçeyan

‘Dema mêrek xweşikiya laşê jinan dibîne divê bi şehwet nekeve dû lêgerîna fetihkirina wê. Şûna vê, divê fêm bike ku xweşikbûna wê, rûyê xweşikiya…

Karapêtê Xaço û Yêvaya Hagop

Salihê Kevirbirî

Karapêt wiha digot:”Xwezî min mirina Yêvayê nedîta, xwezî nebûma şahidê mirina wê. Xwezî Xwedê pêşî canê min bistanda. Wê jî zehf kişand. Êşên wê, di…

PZK’ê mijara zimanê kurdî bir meclisê!

Navenda Nûçeyan

Liv û tevgera ji bo fermîkirin û pêşxistina zimanê kurdî, li Bakurê Kurdistanê zêde dibin. Di meha çileyê de Tora Ziman û Çanda Kurdî, ji bo vê yekê li Amedê bi beşdariya 300 kesî komxebatek li dar xistibû. Di vê komxebatê de biryar hatibû dayîn ku xebatên ji bo parastin û pêşxistina zimanê kurdî bên geşkirin. Ji bo vê yekê bang li partî û sazî û dezgehên kurdî hatibû kirin ku hewldanên xwe yên di vê derbarê de zêde bikin.

Piştî vê komxebata Tora Ziman û Çanda Kurdî, Platforma Zimanê Kurdî (PZK) jî zend û bendên xwe bada û berê xwe da Enqereyê. Platform, di sala 2018’an de bi beşdariya 9 partiyên bakurê Kurdistanê hatibû avakirin. Ji roja ku hatiye avakirin heta niha gelek civîn li dar xistiye û banga geşkirin û zindîkirina zimanê kurdî li kurdan kiriye.

Kurdîbûna siyasetê

Piştî van bangên xwe, platform cara yekemîn bi awayekî şênber ket nav liv û tevgerê û bi partiyên siyasî yên Tirkiyeyê re dest bi hevdîtinan kir. Ji bo vê yekê di 4’ê Sibatê de endamên platformê li Meclisê, serdana Partiya Demokratîk a Gelan (HDP) kir. Platformê, daxwazên xwe yên fermîbûna zimanê kurdî û kurdîbûna zimanê siyasetê pêşkêşî HDP’ê kir.

Parlementerê HDP’ê yê Amedê Îmam Taşçier, têkildarî hurgiliyên serdanê axivî. Taşçier, diyar kir ku Platform dixwaze li cem zimanê tirkî zimanê kurdî jî bibe zimanê fermî yê duyemîn û ev tişt got: “Ji me jî daxwaz dikin ku zimanê siyasetê bibe zimanê kurdî, yanî parlamenterên kurd bi kurdî biaxivin û kurdî derxin pêş.”

Daxwaz pêşkêş kirin

Endamên platformê piştî serdana xwe ya HDP’ê, serdana CHP, Partiya Saadetê û endamên Yekîtiya Ewropayê (YE) jî kirin. Platformê, di serdanan de daxwazên xwe hem bi nivîskî hem jî bi devkî radestî partî û endamên YE’yê kirin.

Paltformê, têkildarî serdana xwe ya Enqereyê û hevdîtinên ku li Meclisê bi partiyên siyasî re kir, di 7’ê Sibatê de li Avahiya Partiya Azadiya Kurdistanê (PAK) ya Amedê, civîna çapameniyê li dar xist. Di civînê de Berdevkê Platforma Zimên Kurdî Şerefxan Cizîrî têkildarî serdanên wan axivî. Cizîrî diyar kir ku xwestine bi hemû partiyên ku li Meclisê ne re hevdîtin pêk bînin lê tenê HDP, CHP û Partiya Saadetê deriyên xwe ji wan re vekirine.

Bi qursan çareserî nabe

Cizîrî, destnîşan kir ku hewl dane bi AKP’ê re jî hevdîtin pêk bînin, lê AKP’ê bersiv nedaye daxwaza wan a hevdîtinê û têkildarî naveroka hevdîtinên wan ev tişt anî ziman: “Me di hevdîtinan de daxwazên xwe yên ji bo zimanê kurdî peşkêşî partiyan kir. Me ji wan re got meseleya zimanê kurdî tenê bi qursan çareser nabe. Divê zimanê kurdî bibe zimanê fermî û divê Saziya Zimanê Kurdî ava bibe. Serokê Giştî yê CHP’ê Kemal Kiliçdaroglû piştgiriya daxwazên me yên ji bo Saziya Zimanê Kurdî kir.”

Endamê Platformê Vahît Aba jî, da zanîn ku piştî van hevdîtinen xwe, nexşerêyek dane peşiya xwe û wiha got: “ Em ji bo 21’ê sibatê xebatekê dikin. Pişt re jî em ê di 22’ê Sibatê de konferansekê li dar bixin û bernameya xwe ya salekê diyar bikin.”