Rêxistinanê komelê sîvîlî û partîyanê sîyasîyan ê Wanî eşkerayîye kerde û waşt ke hêzê demokrasî 6ê teşrîna peyêne de Silopî de bibê.

Vera hêrişanê kîmyewîyan ê dewleta tirke qezaya Silopî ya Şirnexî de 6ê teşrîna peyêne de bi şîarê ‘Rayraşîyayîşê merdimîye yê vera çekanê kîmyewîyan’ rayraşîyayîşêk do bêro kerdene. Çalakîye do serkêşîya Komela Kultur, Yewî, Paştdayîş û Hetkarîya bi Keyeyanê ke Merdimê Xo Dergûşê Şaristanîye de Bînî Kerdî (MEBYA-DER) de bêra kerdene.

Rêxistinanê komelê sîvîlî û partîyanê sîyasîyan Wan de derheqê çalakîye de eşkerayîyêke daye. Hemserekê DBPyî yê Wanî Harun Okayî eşkerayîye wende. Okayî îfade kerd ke hukmatî herinda ke kesanê ke hêrişê kîmyewîyî ardî ziwan bitepişo heyetê xoserî bişawo herême.

Okayî venga OPCW, NY, WHO û Yewîya Ewropa (YE) da ke wa vera hêrişan têbigêrê û vat: “Roje roja bêvengmendişî nîya, roja vervejîyayîşî ya, roja pawitişê merdiman a. Ma venga pêro rêxistinan, dezgeh û rêxistinan danê ke wa vera nê hêrişan têbigêrê. Ma venga şarê xo û hêzanê demokrasî danê ke 6ê teşrîna peyêne de tewrê Rayraşîyayîşê Silopî bibê. Bi bêvengbîyayîşî mebê hemkarê nê sucî.”