Şarê Minbicî hêrişê kîmyewî yê dewleta tirke şermezar kerdî û seba şerê azadîye çalakîyî kerdî.
Şarê Minbicî bi beşdarîya şaranê Tebqa, Dêrazorê, Reqa hêrişê kîmyewî yê dewleta tirke şermezar kerdî. Şarî serkêşîya Yewîya Cinîyan ê Ciwanan û Têgêrayîşê Ciwanan ê Şorişgêran de bi pankarta ‘Werin Cenga Azadiyê’, ‘Hemkarê hêrişanê kîmyewîyan do hesab bidê’ çalakîya rayraşîyayîşî kerde.
Çalakîye de seba paştdayîşê bi gerîlayan sloganî ameyî vatene. Çalakîye ra dima Endamê Têgêrayîşê Ciwanan ê Şorişgêran Ferhad Hesenî qisey kerd û bale ante ser ke gerîlayî rixmê hêrişanê giranan zî her roje derban danê artêşa tirke ro. Hesenî îfade kerd ke sey ciwanan ê do seba gerîlayan erk û mesuldarîyanê xo bikerê.
Fatma Tebqa zî nameyê cinîyan ser o qisey kerd û da zanayene ke dewleta tirke wazena xeyalanê xo yê Neo-Osmanîyan bîyara ca.
