Li gundê Eşme yê girêdayî navçeya Qoser a Mêrdînê xizmên namzetê AKP’ê Farûk Kiliç xwestin dengên xwe bi komî bidin. Dema ku muşahîdên Partiya Çepên Kesk xwestin bi telefonê dîmenên vê rewşê bikişînin xizmên namzet êrîşî muşahîdan kirin. Di encama êrîşî de Havas Gungor û Kemal Erbey birîndar bûn. Her du welatî jî rakirin Nexweşxaneya Dewletê ya Qoserê.

Bi qewimîna bûyerê re parêzeran mudaxele kir û girtek girtin. Her wiha Hevseroka Giştî ya Partiya Herêmên Demokratîk (DBP) Saliha Aydenîz û siyasetmedarê kurd Ahmet Turk çûn serdana birîndaran.

Li navçeya Artukluyê jî li dijî dayîna dengên blok rageşî derket. Hat zanîn ku li gundê Miqbila Jêr jî hilbijêr bi şer çûn. Polîs û parêzerên li herêmê li cihê bûyerê hatin veguhestin û mudaxele hate kirin. Di dema rageşiyê de kesek bi sivik birîndar bû.

Li gundê Tumuka Jor a girêdayî Qoserê jî hinek zilaman xwestin li şûna hevjînên xwe deng bidin. Ji ber vê yekê rageşî derket. Piştî ku mudaxele hate kirin, van kesan êrîşî peywirdarên sindoqan kirin. Di encama êrişê de parêzerek hate derbkirin. Li ser vê yekê polîs û nûnerên partiyên siyasî mudaxale kirin û rageşî hate bidawîkirin.