Serokkomarê AKP’î Tayyîp Erdogan, di 10’ê adarê de  bi daxuyaniyekê biryara hilbijartinê da. Li gorî biryara Erdogan wê hilbijartinên Serokkomariyê û Parlamentoyê yên sala 2023’yan di 14’ê gulanê de pêk bên. Derket holê ku piştî ragihandina dîroka hilbijartinê qeyûmê Şaredariya Bajarê Mezin a Mêrdînê gelek mal û milkên şaredariyê dane ber firotinê.

Li gorî nûçeya ku Ajansa Mezopotamyayê (MA) der bas kiriye, rêveberiya qeyûm Mahmût Demîrtaş, 11 mal û milkên şaredariyê yên ku qeyûmê berê Mûstafa Yaman xwestibû wan bifiroşe, lê ji ber bertekan firotina wan hatibû betalkirin, cardin daye ber firotinê. Li gor îlana îhaleyê ya qeyûm, ev mal û milk dê bi” Usûla Teklîfa Girtî” bên firotin. Mal û milkên ku qeyûm dixwaze wan bifiroşe 10 jê li navçeya Artûklûyê ne û yek jê jî li navçeya Midyadê ye.

Lîsteya mal û milkên ku qeyûm dixwaze wan bifiroşe bi vî awayî ye:

“Taxa Akçakaya ya Midyadê 101 ada parselên bi hejmara 180, 181, 182: 48 milyon TL

Taxa Acarê ya Artûklûyê 123 Ada, parsela hejmara 1: 3 milyon 305 bin TL

Taxa Acarê ya Artûklûyê 124 Ada, parsela hejmara 1: 3 milyon 309 bin TL

Taxa Acarê ya Artûklûyê 125 Ada, parsela hejmara 1: 2 milyon 845 bin TL

Taxa Acarê ya Artûklûyê 126 Ada, parsela hejmara 1: 4 milyon 520 bin TL

Taxa Acarê ya Artûklûyê 131 Ada, parsela hejmara 1: 5 milyon 930 bin TL

Taxa Acarê ya Artûklûyê 132 Ada, parsela hejmara 1: 6 milyon 705 bin TL

Taxa Acarê ya Artûklûyê 133 Ada, parsela hejmara 1: 8 milyon 45 bin TL

Taxa Acarê ya Artûklûyê 134 Ada, parsela hejmara 1: 8 milyon 200 bin TL

Taxa Acarê ya Artûklûyê 135 Ada, parsela hejmara 1: 6 milyon 700 bin TL

Taxa Acarê ya Artûklûyê 141 Ada, parsela hejmara 1: 8 milyon 665 bin TL”